Superliga. \"Neftchi\" \"Xorazm\"ni mag'lub etib, 2-o'ringa ko'tarildi
Photo: Neftchi PFK
O‘zbekiston chempionatining 15-turining so‘nggi bahsida “Neftchi” klubi “Xorazm”ni qabul qildi.
Farg‘onadagi “Istiqlol” stadionidagi bahsda Vitaliy Levchenko shogirdlari 2:0 hisobida g‘alaba qozondi.
Uchrashuvda dastlab 12-daqiqada Toma Tabatadze hisobni ochdi. Keyinchalik 69-daqiqada Zoran Marushich ikkinchi gol muallifiga aylandi.
Ushbu g‘alabadan so‘ng “Neftchi” 30 ochko bilan 2-o‘ringa ko‘tarildi. “Xorazm” esa 14 ochko bilan 13-pog‘onada qoldi.
Superliga. 15-tur
“Neftchi” 2:0 “Xorazm”
Gollar: Toma Tabatadze, 12 (1:0), Zoran Marushich, 69 (2:0)
