Superliga. “Nasaf” o'z maydonida OKMK'ni mag'lub etib, peshqadamlikni o'z qo'liga oldi

Futbol 23 may 2025 da 13:02

Nasrullo Karimov

Журналист

O'zbekiston Superligasining 11-turidan o'rin olgan markaziy uchrashuvda “Nasaf” va OKMK o'zaro to'qnash keldi va yakunda “ajdarlar” 2:1 hisobida g'alaba qozondi.

Dastlab, hisob 16-daqiqada Husayn Norchayev tomonidan ochildi (1:0). 52-daqiqada Nodirbek Abdurazzoqov muvozanatni tikladi (1:1).

78-daqiqada esa Dragan Cheran darvozabon va himoyachining qo'pol xatosidan unumli foydalanib, mezbonlarni hisobda oldinga olib chiqdi (2:1).

Shu tariqa, “Nasaf” ushbu g'alabadan so'ng o'z ochkolari hisobini 25 taga yetkazib olib, turnir jadvalida peshqadamlikni o'z qo'liga oldi.

O'zbekiston Superligasi | 11-tur

“Nasaf” 2:1 OKMK

Gollar: Husayn Norchayev 16' (1:0), Nodirbek Abdurazzoqov 52' (1:1), Dragan Cheran 78' (2:1).

Aloqador jamoalar va ligalar

Nasaf Qarshi

AGMK

O‘zbekiston Superligasi