Shahboz Jo‘rabekov «Buxoro» bilan shartnomasini uzaytirdi
U “Buxoro” bilan shartnomasini bir yilga uzaytirishga qaror qilgan.
Фото: Бухоро ПФК
“Buxoro” klubi yangi mavsum oldidan tarkibdagi yetakchi o‘yinchilari bilan kelishuvlarni uzaytirmoqda.
Sports24.uz xabar berishicha, yarim himoyachi Shahboz Jo‘rabekov ham “Buxoro” bilan shartnomasini bir yilga uzaytirishga qaror qilgan.
Futbolchi o‘tgan mavsumda ham buxoroliklar safida Superliga doirasida 29 ta o‘yinda maydonga tushgan, 3 ta gol urgan va 2 assistni qayd etgandi.
Jo‘rabekov faoliyati davomida “So‘g‘diyona”, “Navbahor”, “Qizilqum” va “Bunyodkor” jamoalarida to‘p surgan.
Roziqjon Sultonmurodov
Jurnalist
