Rassell Martin – «Lester» bosh murabbiyi
Murabbiy bilan shartnoma uch yilga mo‘ljallangan.
ФОТО: Getty images
«Reynjers»ning sobiq bosh murabbiyi Rassell Martin «Lester Siti»ni boshqaradi. Bu haqda «tulkilar» rasmiy sayti xabar bermoqda.
Murabbiy bilan shartnoma uch yilga mo‘ljallangan.
Avvalroq mutaxassis «Milton-Kins Dons», «Suonsi Siti» va «Sautgempton» klublarini ham boshqargan. U «Reynjers»ni 2025 yilning oktyabrida tark etgan. Martin ushbu lavozimga asosiy nomzod edi.
O‘tgan mavsum yakunlariga ko‘ra «Lester Siti» Chempionshipdan Angliya futbol tizimidagi uchinchi divizion bo‘lgan 1-Ligaga tushib ketdi.
2015/2016 yilgi mavsumda klub mamlakat chempioni bo‘lgan. APLning o‘sha mavsumidagi 38 turda Klaudio Raneri jamoasi 81 ochko to‘plab, eng yaqin ta’qibchisi «Arsenal»ni 10 ochkoga ortda qoldirgan.
Roziqjon Sultonmurodov
Jurnalist