Prev'yu. «Xorazm» - «Paxtakor»
Superliga 26-turida "Sherlar" 15 yillik tanaffusdan so'ng Xorazmga tashrif buyuradi.
Chempionatlar doirasida jamoalar 17 bor to'qnash kelib, ularning 12tasida "Paxtakor" g'alaba qozongan. 3 o'yinda durang, 2 bahsda raqib yutug'i qayd etilgan. Jamoamiz 36 to'p kiritib, 11 gol o'tkazib yuborgan. Xorazmdagi bellashuvlarda 5 g'alaba, 2 durang hamda 1 mag'lubiyat kuzatilgan. Mezbonlar darvozasi 17 bor ishg'ol qilinib, 6 to'p o'tkazilgan. O'zaro o'yinlardagi eng yirik natija 2006 yil qayd etilib, unda "Paxtakor" 9:1 hisobida muvaffaqiyatga erishgan.
Hojiakbar Alijonov bo'lajak bellashuvni sariq kartochkalar diskvalifikatsiyasi tufayli o'tkazib yuboradi.
"Xorazm" va "Paxtakor" o'rtasidagi o'yin 23 oktyabr, payshanba kuni "Xorazm" sport majmuasi stadionida soat 18:00da boshlanadi.
