Prev'yu. "Andijon" - "Neftchi"

Futbol 08 may 2025 da 09:04

Photo: Andijan PFC

9-may kuni Superliga 9-turining markaziy o‘yini Andijondagi “Bobur arena” stadionida bo‘lib o‘tadi. Unda vodiy derbisi nomi ostida “Andijon” va “Neftchi” jamoalari bahs olib boradi.

Bu ikki jamoa o‘rtasidagi uchrashuv har doim keskin kurashlarga boy bo‘lgan. Shu kungacha klublar O‘zbekiston chempionatida 51 marta to‘qnash kelishgan. “Andijon” hisobida 10 ta, “Neftchi”da esa 33 ta g‘alaba mavjud. Yana 8 ta o‘yinda durang natija qayd etilgan. To‘plar nisbati 45\97 “Neftchi” foydasiga.

O‘tgan yili Farg‘onadagi bahsda 2:2, Andijonda esa 0:0 hisobi qayd etilgan. “Andijon” o‘z maydonida “Neftchi”ni oxirgi bor 2016-yilda mag‘lub etgan va o‘shanda o‘yin 2:1 natija bilan yakunlangan.

Andijonda bo‘lib o‘tgan so‘nggi 5 ta uchrashuv natijalari quyidagicha:

25.09.2024.
"Andijon"-"Neftchi" 0:0
08.04.2023.
"Andijon"-"Neftchi" 0:2
09.04.2016.
"Andijon"-"Neftchi" 2:1
30.05.2015.
"Andijon"-"Neftchi" 0:4
22.06.2014.
"Andijon"-"Neftchi" 1:3

Eslatib o‘tamiz, "Andijon"-"Neftchi" bahsini Ilgiz Tantashev boshchiligidagi hakamlar brigadasi boshqarib boradi. Uchrashuv ertaga soat 18:00 da boshlanadi.