Muhammadali G'iyosov «Navbahor» qarorgohi qaytdi
Muhammadali G'iyosov “Navbahor” klubi qarorgohi qaytdi. Bu haqida “lochinlar” matbuoti xabar berdi.
"Bunyodkor" jamoasiga qarshi o'yin startini yuqori tempda boshlab, dastlab gol urib, keyin penalti ishlab, eng yaxshi o'yinchi bo'lib turgan, jamoamizning tezkor vingeri Muhammadali G'iyosov o'yinning 35-daqiqasida jarohat olib o'yingohdan tez tibbiy yordam mashinasida olib ketilgan edi. Shifoxonaga olib ketilgan G'iyosov bir muddat shifoxonada bo'ldi.
Unga zaruriy tibbiy yordam va muolajalar qilinib futbolchini holati nazoratga olindi. Muhammadali bir nechta tibbiy ko'riklardan o'tkazildi. Hozirda futbolchi klub qarorgohiga qaytib keldi. U o'zini yaxshi xis qilmoqda. Shunday bo'lsada klub shifokorlari nazoratida turibdi. Umid qilamizki Muhammadali G'iyosov tez orada jamoa safiga qaytadi. Futbolchi qachondan mashg'ulotlarga qo'shilishi tibbiy ko'riklarning natijasidan keyin ma'lum bo'ladi.
Muhammadaliga salomatlik tilaymiz!",-deb yoziladi klub rasmiy sahifasida.
