“Milan”ning sobiq murabbiyi Eldor Shomurodovga ustozlik qilishi mumkin
Saudiyaning “An-Nassr” klubi bosh murabbiyi Stefano Pioli faoliyatini A Seriyada davom ettirishi mumkin. Bu haqda La Gazzette dello Sport nashri xabar bermoqda.
Manbaga ko'ra, “Milan”ning sobiq murabbiyi “Roma”ni boshqarish uchun asosiy nomzodlardan biri hisoblanadi. Uni shaxsan Klaudio Ranyeri Rimga olib kelmoqchi.
Ta'kidlanishicha, “Roma” Piolini uzoq muddatli loyiha uchun to'g'ri tanlov ekaniga ishonchi komil, biroq uning Ar-Riyodni tark etmasligiga ikkita sabab bor - mavsum uchun 13 million yevro maosh va Osiyo Chempionlar Ligasidagi g'alaba.
Eslatib o'tamiz, avvalroq “An-Nassr” mavsumdagi qoniqarsiz natijalar, shuningdek, Ronaldu bilan o'rtadagi tushunmovchiliklar sabab Stefano Piolini iste'foga chiqarishi mumkinligi haqida xabarlar tarqalgandi.
