Luis de la Fuente: «Raqibni o'z o'yinini qurishga yo'l qo'ymaslik kerak»
Ispaniya terma jamoasi bosh murabbiyi Luis de la Fuente JCH-2026 yarim finali doirasida Fransiyaga qarshi kechadigan o‘yin natijasi nimaga bog‘liq bo‘lishi haqidagi savolga javob berdi. Jamoalar o‘rtasidagi uchrashuv bugun (Toshkent vaqti bilan soat 23:59) bo‘lib o‘tadi. Bir kun o‘tib esa Argentina va Angliya terma jamoalari ishtirokidagi ikkinchi yarim final bahsi o‘tkaziladi.
«Futbol – oddiy o‘yin. O‘z uslubingni singdirishing va raqibni zararsizlantirishing, unga o‘z o‘yinini ko‘rsatishga yo‘l qo‘ymasliging kerak. Bo‘lajak o‘yinda buni kim uddalashini bilmayman, ammo o‘sha jamoada g‘alaba qozonish imkoniyati ko‘proq bo‘ladi», — dedi de la Fuente matbuot anjumanida.
Jahon chempionati finali 19 iyulga belgilangan. «Qizil furiya»ning mundialdagi hozirgacha yagona bo‘lgan chempionligi 2010 yilga to‘g‘ri keladi.
