La Liga. «Real» mavsumning dastlabki «El Klasiko»sida «Barselona»ni magʻlub etdi
Ispaniya La Ligasi 10-turidan oʻrin olgan «Real» va «Barselona» oʻrtasidagi bahs boʻlib oʻtdi. Yakunda madridliklar 2:1 hisobida gʻalaba qozondi.
Dastlab Kilian Mbappe 22-daqiqada hisobni ochdi. 38-daqiqada Fermin Lopes muvozanatni tikladi. 43-daqiqada esa Jud Bellingem mezbonlarga gʻalaba taqdim etgan gol muallifiga aylandi.
Uchrashuvda Mbappe penaltidan foydalana olmadi, shuningdek, uning yana bir goli ofsayd sabab bekor qilindi.
Shu tariqa, «Real» ushbu gʻalabadan soʻng oʻz ochkolari hisobini 27 taga yetkazib, turnir jadvalida peshqadamligini mustahkamlab oldi. «Barselona» esa 22 ochko bilan ikkinchi oʻrinda qoldi.
La Liga. 10-tur
«Real Madrid» — «Barselona» 2:1
Gollar: Mbappe (22), Bellingem (43) — Fermin (38).
Real — Kurtua, Eder Militao, Xeysen, Karreras, Valverde (Karvaxal, 72), Kamavinga, Tchuameni, Vinisius Junior (Rodrigu, 72), Arda Gyuler (Dias, 66), Bellingem (G. Garsiya, 90), Mbappe (Sebalos, 90+1).
Barselona — Shesni, Kubarsi (Bardji, 84), E. Garsiya (Arauxo, 74), Balde (Martin, 90+7), Kunde, de Yong, Fermin Lopes, Pedri, Reshford, Yamal, Torres (Kasado, 74).
