Havertz YChL finali oldidan fikr bildirdi
"Arsenal" hujumchisi Kay Havertz PSJga qarshi bo‘ladigan Chempionlar ligasi finali oldidan kim favorit ekani haqida o‘ylamayotganini tan oldi. O‘yin shanba kuni, 30 mayda bo‘lib o‘tadi.
"Rostini aytsam, men bu haqda (kim favorit, kim autsayder) o‘ylamayapman ham. PSJ o‘tgan yili turnirda g‘olib chiqqan, shuning uchun ular o‘tgan mavsumda Yevropadagi eng yaxshi jamoa bo‘lgan bo‘lsa kerak. Va bu yil ular yana aql bovar qilmaydigan mavsumni o‘tkazishyapti.
Klubimiz uchun bu finalga ikkinchi bor chiqishimiz, lekin biz o‘zimizga to‘liq ishonamiz. Biz bir necha yildan beri eng yuqori saviyada kurashib kelyapmiz va nihoyat Premyer-ligada g‘olib chiqdik. O‘ylaymanki, bu ham bizga katta turtki beradi. Va siz autsaydermisiz yoki boshqamisiz, buning ahamiyati yo‘q.
Biz maydonga tushib, ularni mag‘lub etamiz. Demak — faqat oldinga», — deya Havertzning so‘zlarini keltiradi The Athletic.
