Жоан Гарсия «Атлетик»га қарши баҳсда майдонга тушиши мумкин
Бу ҳақда Ҳанси Флик маълум қилди.
ФОТО: Getty Images
Испания Ла Лигаси
22.11.2025, Як.
Барселона
4
Атлетик Билбао
0
«Барселона» Испания чемпионати доирасидаги «Атлетик»га қарши уй учрашувига тайёргарлик кўрмоқда. Каталония клуби дарвозасини Жоан Гарсия қўриқлаши аниқ бўлди. Буни бош мураббий Ҳанс-Дитер Флик матбуот анжуманида тасдиқлади.
— Жоан Гарсия қайтиши мумкинми?
— Сиз нима деб ўйлайсиз?
— Ўйнайди деб ўйлайман.
— Унда сиз ҳақ экансиз, — деди Флик.
Эслатиб ўтамиз, Жоан Гарсия сўнгги бор 25 сентябр куни «Барселона» сафида майдонга тушган эди. Шу пайтдан бери асосий дарвозабон тиззасидаги жароҳатдан тикланаётган эди.
Маълумот учун, «Барселона» ҳозирда Ла Лига турнир жадвалида иккинчи ўринда бормоқда ва «Реал»дан уч очко орқада қолмоқда.
Насрулло Каримов
Журналист
