Улуғбек Бакаев: Афсуски, тушунарсиз вазиятда гол ўтказиб юбўрдик
Суперлига 8-тур. Сўғдияна – Бунёдкор 2:3 учрашувидан сўнг мезбонлар бош мураббийи Улуғбек Бакаев матбуот анжуманида иштирок этди.
"Ўйинни жуда яхши бошладик, тезкор иккита гол урдик. Шундан кейин ҳисобни янада катталаштириш имкониятимиз ҳам бор эди. Афсуски, тушунарсиз вазиятда гол ўтказиб юбўрдик. Иккинчи бўлимда эса стандарт вазиятдан яна гол ўтказдик ва якунда учрашувни бой бердик.
Энг ачинарлиси — 2:0 ҳисобида олдинда бориб туриб, 3:2 ҳисобида мағлуб бўлиш. Бу, албатта, жамоа учун оғир психологик зарба бўлди.
Ижобий жиҳатлари ҳам бор: жамоамиз гол ура бошлади, ҳужум чизиғимиз самарали ишлаяпти. Шу боис ҳозир кимнидир айблашни тўғри деб ҳисобламайман.
Энди асосий эътибор — кейинги ўйинларга тайёргарлик кўрамиз. Йигитларга майдондаги ҳаракати ва фидойилиги учун раҳмат. Олдинга қараб ҳаракат қиламиз", — деди мутахассис.
