Ulugʻbek Baqoyev: Afsuski, tushunarsiz vaziyatda gol o‘tkazib yubordik
Superliga 8-tur. Soʻgʻdiyona - Bunyodkor 2-3 uchrashuvidan soʻng mezbonlar bosh murabbiyi Ulugʻbek Baqoyev matbuot anjumanida ishtirok etdi.
"O‘yinni juda yaxshi boshladik, tezkor ikkita gol urdik. Shundan keyin hisobni yanada yiriklashtirish imkoniyatimiz ham bor edi. Afsuski, tushunarsiz vaziyatda gol o‘tkazib yubordik. Ikkinchi bo‘limda esa standart vaziyatdan yana gol o‘tkazdik va yakunda uchrashuvni boy berdik.
Eng achinarlisi — 2:0 hisobida oldinda borib turib, 3:2 hisobida mag‘lub bo‘lish. Bu, albatta, jamoa uchun og‘ir psixologik zarba bo‘ldi.
Ijobiy jihatlari ham bor: jamoamiz gol ura boshladi, hujum chizig‘imiz samarali ishlayapti. Shu bois hozir kimnidir ayblashni to‘g‘ri deb hisoblamayman.
Endi asosiy e’tibor — keyingi o‘yinlarga tayyorgarlik koʻramiz. Yigitlarga maydondagi harakati va fidoyiligi uchun rahmat. Oldinga qarab harakat qilamiz",-dedi mutaxassis.
