Тезкор! “Пахтакор” футболчиси фаолиятини Европада давом эттиришга яқин турибди
ФОТО: FC Paxtakor
Тошкентнинг “Пахтакор” клуби вингери Муҳаммадали Ўринбоев фаолиятини Бельгия чемпионатида давом эттиришга яқин турибди.
Маълумотларга қараганда, Ўринбоевга “Антверпен” клуби қизиқиш билдирмоқда ва уни ўз сафига қўшиб олмоқчи. Ушбу жамоа беш карра Бельгия чемпиони ҳисобланади.
Эслатиб ўтамиз, аввалроқ ҳамюртимиз Англиянинг “Брентфорд B” жамоасида ҳам бир муддат тўп сурганди.
Маълумот учун, 20 ёшли Ўринбоев жорий мавсум “Пахтакор” сафида 14 та ўйинда майдонга тушиб, 5 та гол урди ва 3 та голли узатмани амалга оширди. Унинг Transfermarkt'даги нархи 450 минг еврога баҳоланмоқда.
Насрулло Каримов
Журналист
