Тартиб-интизом қўмитаси қарорлари. Темур Кападзега нисбатан жарима интизомий жазо чораси қўлланилди
Жорий йилнинг 25-май санасида Лига қошидаги Тартиб-интизом қўмитасининг навбатдаги йиғилиши бўлиб ўтди. Унда мазкур санагача бўлган вақт оралиғида Ўзбекистон Суперлигаси, Ўзбекистон Кубоги, Про лига, Биринчи лига ҳамда U19 чемпионати учрашувларида иштирокчилар томонидан йўл қўйилган қоидабузарликлар юзасидан қарор чиқарилди.
Суперлига
Насаф - Навбахор
Суперлига 11-тури доирасидаги “Насаф” – “Навбахор” учрашуви комиссаридан билдирги келиб тушган, унга кўра “Навбахор лочинлари” футбол клуби бош мураббийи Темур Кападзе Суперлига регламентининг 22.10-бандини бузгани, яъни учрашув қайдномасига ҳакамлик юзасидан эътироз киритмасдан туриб учрашувдан сўнг жамоа бош мураббийлари иштирокида ўтказилган матбуот анжуманида “Championat.asia” сайтига ҳакамлар хатти-ҳаракати бўйича ўз эътирозларини билдириб интервью бергани, бу билан ҳакам қарорига шикоят бериш тартибини бузгани аниқланди.
Қарор: Ўзбекистон Профессионал футбол лигаси Тартиб-интизом кодексининг 77-моддасига асосан “Навбахор” футбол клуби мураббийи Темур Кападзега нисбатан жарима интизомий жазо чораси қўллансин.
Ўзбекистон Кубоги
Олимпик-МобиУЗ – Машъал
Ўзбекистон кубоги 1-тури доирасидаги “Олимпик-Мобиуз” – “Машъал” учрашуви ҳакамидан билдирги келиб тушган, унга кўра учрашувнинг 90+3-дақиқасида “Машъал” футбол клуби футболчиси Маҳмуд Жўрабоев тўпсиз вазиятда рақиб жамоа футболчисининг юзига боши билан зарба бергани учун қизил карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 62-моддасига асосан “Машъал” футбол клуби футболчиси Маҳмуд Жўрабоевга нисбатан 3 та ўйинга четлаштириш (дисквалификация) ҳамда жарима интизомий чоралари қўлланилсин.
Жайҳун – Қизилқум
Ўзбекистон кубоги 1-тури доирасидаги “Жайҳун” – “Қизилқум” учрашуви ҳакамидан билдирги келиб тушган, унга кўра учрашувнинг 83-дақиқасида “Қизилқум” футбол клуби футболчиси Акмалжон Музаффаров тўпсиз вазиятда рақиб жамоа футболчисининг юзига қўли билан зарба бергани учун қизил карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 62-моддасига асосан “Қизилқум” футбол клуби футболчиси Акмалжон Музаффаровга нисбатан 2 та ўйинга четлаштириш (дисквалификация) интизомий жазо чораси қўлланилсин.
Сўғдиёна – Олимпик-МобиУЗ
Ўзбекистон кубоги 3-тури доирасидаги “Сўғдиёна” – “Олимпик-Мобиуз” учрашуви ҳакамидан билдирги келиб тушган, унга кўра учрашувнинг 88-дақиқасида “Олимпик-Мобиуз” футбол клуби расмийси Андрей Микляев ёрдамчи ҳакам шаънига номақбул сўзлар ишлатиб, ҳақорат қилгани учун қизил карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 63-моддасига асосан “Олимпик-Мобиуз” футбол клуби расмийси Андрей Микляевга нисбатан 2 та ўйинга четлаштириш (дисквалификация) ҳамда жарима интизомий чоралари қўлланилсин.
Ўзбекистон кубоги 3-тури доирасидаги “Сўғдиёна” – “Олимпик-Мобиуз” учрашуви комиссаридан билдирги келиб тушган, унга кўра “Сўғдиёна” мезбонлигида ўтган баҳсда стадион интернет билан таъминланмагани, ушбу ҳолат стадионга ташриф буюрган Кўчма Телевизион Станция (КТС) учрашувни тўғридан-тўғри эфирга узатиб бера олмаганига сабаб бўлган ҳолат аниқланди.
Қарор: Ўзбекистон Профессионал футбол лигаси Тартиб-интизом кодексининг 77-моддасига асосан “Сўғдиёна” футбол клубига жарима интизомий жазоси қўллансин.
Каттақўрғон – Сурхон
Ўзбекистон кубоги 1-тури доирасидаги “Каттақўрғон” – “Сурхон” учрашуви комиссаридан билдирги келиб тушган, унга кўра “Каттақўрғон” футбол клуби учрашув комиссари учун белгиланган компьютер ва принтер соз ҳолатда эмаслиги, компьютер ва принтер ишламай қолгани учрашув комиссарининг фаолиятига таъсир кўрсатгани ва якунда ушбу ҳолат учрашувни кеч бошланишига сабаб бўлгани аниқланди.
Қарор: Ўзбекистон Профессионал футбол лигаси Тартиб-интизом кодексининг 73-моддасига асосан “Каттақўрғон” футбол клубига жарима интизомий жазоси қўллансин.
Ўзбекистон кубоги 1-тури доирасидаги “Каттақўрғон” – “Сурхон” учрашуви комиссаридан билдирги келиб тушган, унга кўра учрашув тугагандан сўнг “Сурхон” футбол клуби футболчиси Отабек Боймуродов спортчига хос бўлмаган хатти-ҳаракат, яъни, “Сурхон” футбол клуби мухлислари билан тортишиб қолиб, мухлисларга қаратa қўл ишораларини кўрсатиб, ҳақоратли сўзлар ишлатгани ва тартибсизлик келтириб чиқаргани аниқланди.
Қарор: Ўзбекистон Профессионал футбол лигаси Тартиб-интизом кодексининг 68-моддасига асосан “Сурхон” футбол клуби футболчиси Отабек Боймуродовга нисбатан жарима интизомий жазо чораси қўллансин.
Про лига
Ғазалкент – ТерДУ
Пролига 7-тури доирасидаги “Ғазалкент” – “ТерДУ” учрашуви комиссаридан билдирги келиб тушган, унга кўра учрашувдан сўнг Бунёдкор стадионининг CIP секторидаги мухлислар майдонга қарата турли буюмлар, хусусан, елим идишларни улоқтиргани аниқланди.
Қарор: Ўзбекистон Профессионал футбол лигаси Тартиб-интизом кодексининг 79-моддасига асосан “Ғазалкент” футбол клубига жарима интизомий жазоси ҳамда “Ғазалкент” футбол клубининг келгуси битта уй учрашувида стадионнинг CIP, 1A, 1B, 1C ва 1D секторларига томошабинларнинг киришига тақиқ қўйиш интизомий жазо чораси қўллансин.
Пролига 7-тури доирасидаги “Ғазалкент” – “ТерДУ” учрашуви ҳакамидан билдирги келиб тушган, унга кўра учрашувнинг 90+2-дақиқасида “ТерДУ” футбол клуби футболчиси Улуғбек Ўринбоев ўйин вақтини сунъий равишда чўзганлиги учун унга сариқ карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 64-моддасига асосан “ТерДУ” футбол клуби футболчиси Улуғбек Ўринбоевга нисбатан жарима интизомий жазо чораси қўллансин.
Республика ФА – Лочин
Пролига 7-тури доирасидаги “Республика ФА” – “Лочин” учрашуви ҳакамидан билдирги келиб тушган, унга кўра учрашувнинг 90+5-дақиқасида “Лочин” футбол клуби футболчиси Сардорбек Саидов ҳакамнинг қарорга эътирози учун унга сариқ карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 64-моддасига асосан “Лочин” футбол клуби футболчиси Сардорбек Саидовга нисбатан жарима интизомий жазо чораси қўллансин.
Жайҳун – Металлург
Пролига 7-тури доирасидаги “Жайҳун” – “Металлург” учрашуви ҳакамидан билдирги келиб тушган, унга кўра учрашувнинг 18-дақиқасида “Жайҳун” футбол клуби футболчиси Жасурбек Умрзоқов ҳакамнинг қарорга эътирози учун унга сариқ карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 64-моддасига асосан “Жайҳун” футбол клуби футболчиси Жасурбек Умрзоқовга нисбатан жарима интизомий жазо чораси қўллансин.
Арал – Яйпан
Пролига 7-тури доирасидаги “Арал” – “Яйпан” учрашуви комиссаридан билдирги келиб тушган, унга кўра учрашувнинг 28-дақиқасида меҳмон жамоа футболчиси А.Абдурашидов автогол қайд этгани, стадион сухандони автогол муаллифини стадионда эълон қилиб, бир неча бор такрорлагани, стадион сухандонининг мазкур ҳаракатлари рақиб жамоа вакилларига нисбатан провокацион тус касб этган бўлиб, бу ўз навбатида стадиондаги муҳит кескинлашишига, тартибсизлик юзага келишига ҳамда рақиб жамоа мураббийлар штаби ва футболчиларининг эътироз билдиришига сабаб бўлгани аниқланди.
Қарор: Ўзбекистон Профессионал футбол лигаси Тартиб-интизом кодексининг 77-моддасига асосан “Арал” футбол клубига жарима интизомий жазо чораси қўллансин.
Биринчи лига
Дўстлик - Ҳавоканд
Биринчи лига 5-тури доирасидаги “Дўстлик” – “Ҳавоканд” учрашуви комиссаридан билдирги келиб тушган, унга кўра учрашувдан сўнг “Ҳавоканд” футбол клуби футболчилари ва расмийлари майдонни тарк этаётган ҳакамлар бригадасига провокацион хатти-ҳаракатларни амалга ошириб, ҳакамларни ҳақорат қилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 63-моддасига асосан “Ҳавоканд” футбол клубига жарима интизомий жазо чораси қўллансин.
Фарғона ФА – Наманган ФА
Биринчи лига 5-тури доирасидаги “Фарғона ФА” – “Наманган ФА” учрашуви комиссаридан билдирги келиб тушган, унга кўра “Наманган ФА” Биринчи лига регламентининг 14.10-бандини бузгани, яъни клуб учрашув қайдномасига клуб шифокорини киритиши кераклиги белгиланган бўлсада, шифокорни учрашувга олиб келмагани аниқланди.
Қарор: Ўзбекистон Профессионал футбол лигаси Тартиб-интизом кодексининг 77-моддасига асосан “Наманган ФА” футбол клубига жарима интизомий жазо чораси қўллансин.
Навоий ФА – Насаф ФЖ
Биринчи лига 6-тури доирасидаги “Навоий ФА” – “Насаф ФЖ” учрашуви комиссаридан билдирги келиб тушган, унга кўра “Навоий ФА” Биринчи лига регламентининг 14.10-бандини бузгани, яъни клуб учрашув қайдномасига клуб шифокорини киритиши кераклиги белгиланган бўлсада, шифокорни учрашувга олиб келмагани аниқланди.
Қарор: Ўзбекистон Профессионал футбол лигаси Тартиб-интизом кодексининг 77-моддасига асосан “Навоий ФА” футбол клубига жарима интизомий жазоси қўллансин.
Гулистон – Сирдарё ФА
Биринчи лига 6-тури доирасидаги “Гулистон” – “Сирдарё ФА” учрашуви комиссаридан билдирги келиб тушган, унга кўра “Гулистон” футбол клуби мезбонлигида ўтган учрашувга тез тиббий ёрдам машинаси ва ходимлари 30 дақиқа стадионга кеч келгани сабабли учрашув 30 дақиқа кеч бошлангани аниқланди.
Қарор: Ўзбекистон Профессионал футбол лигаси Тартиб-интизом кодексининг 77-моддасига асосан “Гулистон” футбол клубига жарима интизомий жазо чораси қўллансин.
Локомотив ФЖ – Тошкент ФА
Биринчи лига 5-тури доирасидаги “Локомотив ФК” – “Тошкент ФА” учрашуви ҳакамидан билдирги келиб тушган, унга кўра учрашувнинг 22-дақиқасида “Тошкент ФА” футбол клуби футболчиси Жавоҳир Олимов тўп учун курашда оёғининг таг қисми билан рақиб жамоа футболчисининг оёғига зарба бергани учун қизил карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 62-моддасига асосан “Тошкент ФА” футбол клуби футболчиси Жавоҳир Олимовга нисбатан 3 та ўйинга четлаштириш (дисквалификация) интизомий жазо чораси қўлланилсин.
Сирдарё ФА – Жиззах ФА
Биринчи лига 5-тури доирасидаги “Сирдарё ФА” – “Жиззах ФА” учрашуви ҳакамидан билдирги келиб тушган, унга кўра учрашувнинг 90+3-дақиқасида “Жиззах ФА” футбол клуби мураббийи Олим Кушбаков захира ҳаками шаънига номақбул сўзлар ишлатиб ҳақорат қилгани учун қизил карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 62-моддасига асосан “Жиззах ФА” футбол клуби мураббийи Олим Кушбаковга нисбатан 3 та ўйинга четлаштириш (дисквалификация) интизомий жазо чораси қўлланилсин.
Ахмедов ФК – Бунёдкор ФЖ
Биринчи лига 6-тури доирасидаги “Ахмедов ФК” – “Бунёдкор ФЖ” учрашуви ҳакамидан билдирги келиб тушган, унга кўра учрашувнинг 52-дақиқасида “Бунёдкор ФЖ” футбол клуби футболчиси Шаҳобиддин Пўлатов қўли билан рақиб жамоа футболчисининг юзига ургани учун қизил карточка кўрсатилгани, захира ҳакамнинг кўрсатмасига биноан ушбу футболчи майдонни тарк этаётганда “Ахмедов ФК” футбол клуби футболчиси Ҳумоюн Синдаров уни урмоқчи бўлгани ва ушбу футболчига ҳам қизил карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 62-моддасига асосан “Бунёдкор ФЖ” футбол клуби футболчиси Шаҳобиддин Пўлатовга нисбатан 2 та ўйинга четлаштириш (дисквалификация) интизомий жазо чораси қўлланилсин.
Қарор: Ўзбекистон Профессионал футбол лигаси Тартиб-интизом кодексининг 62-моддасига асосан “Ахмедов ФК” футбол клуби футболчиси Ҳумоюн Синдаровга нисбатан 2 та ўйинга четлаштириш (дисквалификация) интизомий жазо чораси қўлланилсин.
U-19 чемпионати
Олимпик-МобиУЗ U19 – Металлург U19
U19 чемпионати 3-тури доирасидаги “Олимпик-Мобиуз U19” – “Металлург U19” учрашуви комиссаридан билдирги келиб тушган, унга кўра “Олимпик-Мобиуз U19” жамоаси учрашувни ташкил қилишда камчиликларга йўл қўйган. Жумладан, жамоани 1-турда комиссар огоҳлантирганига қарамасдан 3-турга келиб ҳам мусобақанинг 2026-йилдаги U19 чемпионати марказий банерини ўрнатмагани, учрашувдан сўнг учрашув видео ёзувини Лигага тақдим этиши керак бўлган мезбон жамоа, фақатгина учрашувнинг 2-бўлим видео ёзувини тақдим қилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 77-моддасига асосан “Олимпик-Мобиуз” футбол клубига жарима интизомий жазо чораси қўллансин.
Арал U19 – Хоразм U19
U19 чемпионати 3-тури доирасидаги “Арал U19” – “Хоразм U19” учрашуви ҳакамидан билдирги келиб тушган, унга кўра учрашувнинг 49-дақиқасида “Арал U19” футбол клуби футболчиси Дәулетияр Медетбаев тўп учун курашда тўпга улгурмай рақиб жамоа футболчисининг юзига қўли билан ургани учун унга қизил карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 62-моддасига асосан “Арал” футбол клуби футболчиси Дәулетияр Медетбаевга нисбатан 2 та ўйинга четлаштириш (дисквалификация) интизомий жазо чораси қўлланилсин.
U19 чемпионати 3-тури доирасидаги “Арал U19” – “Хоразм U19” учрашуви ҳакамидан билдирги келиб тушган, унга кўра учрашувнинг 85-дақиқасида “Хоразм U19” футболчиси Комилжон Умрбеков тўп йўқ вазиятда оёғи билан рақиб жамоа футболчисининг оёғига зарба бергани учун қизил карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 62-моддасига асосан “Хоразм” футбол клуби футболчиси Комилжон Умрбековга нисбатан 4 та ўйинга четлаштириш (дисквалификация) интизомий жазо чораси қўлланилсин.
Ғазалкент U19 – Навбахор U19
U19 чемпионати 4-тури доирасидаги “Ғазалкент U19” – “Навбахор U19” учрашуви ҳакамидан билдирги келиб тушган, унга кўра учрашувнинг 71-дақиқасида “Ғазалкент U19” жамоаси футболчиси Одилхўжа Баҳодиров тўп учун курашда ҳаводаги тўпга оёғини баланд кўтариб рақиб жамоа футболчисининг юзига оёғи билан зарба бергани учун қизил карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 62-моддасига асосан “Ғазалкент” футбол клуби футболчиси Одилхўжа Баҳодировга нисбатан 2 та ўйинга четлаштириш (дисквалификация) интизомий жазо чораси қўлланилсин.
U19 чемпионати 4-тури доирасидаги “Ғазалкент U19” – “Навбахор U19” учрашуви ҳакамидан билдирги келиб тушган, унга кўра учрашувнинг 90+2-дақиқасида “Ғазалкент U19” жамоаси футболчиси Саддам Аҳмадов тўпсиз вазиятда рақиб жамоа футболчисига куч ишлатиб йиқитиб, тана қисмига қўли билан зарба бергани учун қизил карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 62-моддасига асосан “Ғазалкент” футбол клуби футболчиси Саддам Аҳмадовга нисбатан 4 та ўйинга четлаштириш (дисквалификация) интизомий жазо чораси қўлланилсин.
Металлург U19 – Насаф U19
U19 чемпионати 4-тури доирасидаги “Металлург U19” – “Насаф U19” учрашуви ҳакамидан билдирги келиб тушган, унга кўра учрашувдан сўнг “Металлург U19” жамоаси мураббийи Захид Абдуллаев ёрдамчи ҳакам шаънига номақбул сўзлар ишлатиб, ҳақорат қилгани учун қизил карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 62-моддасига асосан “Металлург” футбол клуби мураббийи Захид Абдуллаевга нисбатан 3 та ўйинга четлаштириш (дисквалификация) ҳамда жарима интизомий жазо чоралари қўлланилсин.
Республика ФА U19 – Бунёдкор U19
U19 чемпионати 4-тури доирасидаги “Республика ФА U19” – “Бунёдкор U19” учрашуви ҳакамидан билдирги келиб тушган, унга кўра учрашувнинг 28-дақиқасида “Бунёдкор U19” жамоаси футболчиси Озодбек Абдурахмонов тўп учун курашда ҳаводаги тўпга оёғини баланд кўтариб рақиб жамоа футболчисининг юзига оёғининг таг қисми билан зарба бергани учун қизил карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 62-моддасига асосан “Бунёдкор” футбол клуби футболчиси Озодбек Абдурахмоновга нисбатан 2 та ўйинга четлаштириш (дисквалификация) интизомий жазо чораси қўлланилсин.
Пахтакор U19 – Каттақўрғон U19
U19 чемпионати 4-тури доирасидаги “Пахтакор U19” – “Каттақўрғон U19” учрашуви ҳакамидан билдирги келиб тушган, унга кўра учрашувнинг 82-дақиқасида “Пахтакор U19” жамоаси мураббийи Отабек Мансуров ҳакам қарорга давомий эътироз билдиргани ва захира ҳаками билан тортишгани учун қизил карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 62-моддасига асосан “Пахтакор” футбол клуби мураббийи Отабек Мансуровга нисбатан 2 та ўйинга четлаштириш (дисквалификация) интизомий жазо чораси қўлланилсин.
Динамо U19 – Олимпик-МобиУЗ U19
U19 чемпионати 4-тури доирасидаги “Динамо U19” – “Олимпик-Мобиуз U19” учрашуви ҳакамидан билдирги келиб тушган, унга кўра учрашувнинг 79-дақиқасида “Динамо U19” жамоаси футболчиси Мухриддин Абдуғаниев зўравон хатти-ҳаракатлар билан рақиб жамоа футболчисининг кўкрак қафасига мушт билан зарба бергани учун қизил карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 62-моддасига асосан “Динамо” футбол клуби футболчиси Мухриддин Абдуғаниевга нисбатан 2 та ўйинга четлаштириш (дисквалификация) интизомий жазо чораси қўлланилсин.
Каттақўрғон U19 – Локомотив U19
U19 чемпионати 5-тури доирасидаги “Каттақўрғон U19” – “Локомотив U19” учрашуви ҳакамидан билдирги келиб тушган, унга кўра учрашувнинг 88-дақиқасида икки жамоа ўртасида тартибсизлик келиб чиққан, ёрдамчи ҳакам футболчиларни ажратишга уринаётган бир пайтда “Локомотив U19” жамоаси футболчиси Жамшиджон Орзиқулов зўравон хатти-ҳаракатлар билан ёрдамчи ҳакамни кўкрагидан итаргани учун қизил карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 62-моддасига асосан “Локомотив” футбол клуби футболчиси Жамшиджон Орзиқуловга нисбатан 2 та ўйинга четлаштириш (дисквалификация) интизомий жазо чораси қўлланилсин.
Навбахор U19 – Андижон U19
U19 чемпионати 5-тури доирасидаги “Навбахор U19” – “Андижон U19” учрашуви ҳакамидан билдирги келиб тушган, унга кўра учрашувнинг 40-дақиқасида “Андижон U19” жамоаси мураббийи Анваржон Назаров ҳакам қарорга эътироз қилгани учун сариқ карточка кўрсатилгандан сўнг, ёрдамчи ҳакам шаънига номақбул сўзлар ишлатиб ҳақорат қилгани учун қизил карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 62-моддасига асосан “Андижон” футбол клуби мураббийи Анваржон Назаровга нисбатан 3 та ўйинга четлаштириш (дисквалификация) интизомий жазо чораси қўлланилсин.
