\"Сурхон\" легионери билан шартномани бекор қилди
У термизликлар сафида барча мусобақаларда жами 12 та ўйинда майдонга тушди.
Фото: Сурхон ПФК
Термизнинг "Сурхон" клуби россиялик легионери — Кирилл Колесниченко билан шартномани бекор қилгани маълум бўлди. Бу хусусида клуб матбуот хизмати хабар тарқатди.
Россиялик футболчи Кирилл Колесниченко ўзаро келишув асосида “Сурхон” клуби билан шартномасини бекор қилди ва жамоани тарк этди. У термизликлар сафида барча мусобақаларда жами 12 та ўйинда майдонга тушиб, “гол+пас” тизими бўйича 5 очко (2 та гол ва 3 та голли узатма) жамғарди.
Клуб номидан Кириллга келгуси фаолиятида омад тилаймиз ва биргаликдаги меҳнати учун миннатдорчилик билдирамиз", - дейилади расмий хабарда.
Розикжон Султонмуродов
Журналист
