Суперлига. «Насаф» сафарда «Андижон»ни йирик ҳисобда мағлуб этди

Ўзбекистон Суперлигаси 22-турида “Андижон” клуби “Насаф”ни ўз майдонида қабул қилди. Унда меҳмонлар 4:1 ҳисобидаги ишончли ғалабани қўлга киритди.

Дастлаб Рустам Турдимуродов пеналтидан ҳисобни очди. Аммо танаффусга қадар Аденис Шала мувозанатни тиклади. Иккинчи бўлимда “аждарлар” уч бор “бургутлар”ни ожиз қолдирди. Аббосжон Ғуломов, Абдувоҳид Неъматов ва Юсуф Отубанжо голларни ўз ҳисобларига ёзиб қўйди.

Шундай қилиб, “Насаф” очколари сонини 34 тага етказиб, 5-ўринга кўтарилди. “Андижон” эса 30 очко билан 8-ўриндан жой олган.

Суперлига. 22-тур
“Андижон” – “Насаф” 1:4
Голлар: Рустам Турдимуродов, 21 пеналти (1:0), Аденис Шала, 38 (1:1), Аббосжон Ғуломов, 53 (1:2), Абдувоҳид Неъматов, 81 пеналти (1:3), Юсуф Отубанжо, 88 (1:4)

Розикжон Султонмуродов

Журналист

1 0 0 0 0 0