Суперлига. Бугун турнинг икки марказий ўйини бўлиб ўтади
Фото: UzPFL
Бугун Ўзбекистон чемпионатида 15-тур ўйинлари давом эттирилади.
Хусусан, Самарқандда пешқадамлар жанги ўтказилади. “Динамо” клуби амалдаги чемпион, пешқадам “Насаф”га қарши майдонга тушади. Бу турнинг марказий ўйини эканлигига ҳеч қандай шубҳа йўқ.
Яна бир марказий баҳс Тошкентда кечади. “Пахтакор” рақибини аямай келаётган “Навбаҳор”га қарши ўйнайди. Бу ҳам турнир жадвали учун муҳим аҳамият касб этади.
Ҳар иккала баҳс соат 20:00да бошланади. Табиийки, мухлислари иккала ўйинни ҳам ўтказиб юборишмайди.
Баҳром Бобонов
Редактор
