Смородская: «Россия миллий жамоаси яхши жамоаларга қарши ўйнайди»
Москва «Локомотив» клубининг собиқ президенти Ольга Смородская Россия миллий жамоасининг Ўзбекистон ва Венесуэлага қарши бўлиб ўтадиган ўртоқлик баҳслари ҳақида фикр билдирди.
«Россия миллий жамоаси яхши жамоаларга қарши ўйнайди. Футболчиларимиз бу даражада нималар кўрсатишини кўрамиз. Ўзбекистон ва Венесуэла — булар, албатта, Брунейдан яхшироқ», — дея Смородскаянинг сўзларини «Спорт-Экспресс» нашри келтирмоқда.
Маълумот учун, Ўзбекистон ва Россия миллий жамоалари ўртасидаги баҳс бугун, 12 ноябрь куни Тошкентда бўлиб ўтади. Учрашув Тошкент вақти билан соат 20:00 да бошланади.
Эслатиб ўтамиз, Россия миллий жамоаси 17 ноябрь куни Венесуэлага қарши ҳам ўртоқлик баҳсида майдонга тушади. Шу куни эса Ўзбекистон миллий жамоаси сафарда Саудия Арабистони билан ўйнайди.
