Симеоне: «Жамоанинг бугунги ўйинидан мамнунман»
Мадриднинг «Атлетико» клуби бош мураббийи Диего Симеоне Ла Лига 19-тури доирасида «Барселона»га (1:3) қарши кечган учрашувдаги мағлубият ҳақида фикр билдирди.
«Жамоанинг бугунги ўйинидан мамнунман. Учрашувни яхши бошладик, бироқ рақиб марказ орқали уюштирган ҳужумлари натижасида голга эришди. Иккинчи бўлим бошида «Барселона» устунлик қилди, тахминан 20 дақиқадан кейин эса ташаббусни ўз қўлимизга олдик. Учта яхши имконият яратдик, бироқ улар ғалаба учун етарли бўлмади. Шунга қарамай, жамоанинг ўйинидан қониқдик.
Улар қисқа пасда яхши ўйнайди ва марказда кўпроқ футболчиларга эга — биринчи иккита гол айнан шундай ташкил этилди. Танаффусда ўйинчиларимдан марказни иложи борича ёпиб қўйишни талаб қилдим ва бу борада сезиларли яхшиланиш бўлди. Якуний дақиқалардаги жамоанинг муносабати ҳам ёқди», — дея Симеоненинг сўзларини келтиради Marca.
Маълумот учун, 15 та ўйин ортда қолгач, «Барселона» 37 очко билан мусобақа жадвалида пешқадамлик қилмоқда. «Атлетико» эса 31 очко билан тўртинчи поғонада бормоқда.
