“Сарҳисоб”. Суперлигамизнинг 3-турида нималар содир бўлди?
Ўзбекистон Суперлигасида 3-тур учрашувлари ўз якунига етди. Ушбу тур қизиқарли баҳслар ва кутилмаган натижалар билан ёдда қолди.
Дастлаб, “Хоразм” майдонига сафар қилган “Бухоро” 4:1 ҳисобида зафар қучди. ОКМК ҳам сафардан 3:1 ҳисобидаги ғалаба билан қайтди. “Бунёдкор” эса ўз уйида “Сурхон”га ҳеч қандай имконият қолдирмади - 3:1.
“Машъал” “Сўғдиёна”ни 1:0 ҳисобида мағлуб этган бўлса, “Қўқон-1912” ва “Шўртан” баҳсида ҳисоб очилмади.
Турнинг икки марказий ўйинида ҳам ғолиб номи аниқланмади. “Навбаҳор” ва “Андижон” 2:2 ҳисобида жанговор дурангга имзо чеккан бўлса, “Насаф” - “Нефтчи” ўйини нурсиз дуранг билан якунланди.
3-турнинг энг кутилмаган натижаси Тошкентда қайд этилди. Ўз уйида “Динамо”ни қабул қилган “Пахтакор”, гарчи ўйин борасида устунликка эришган бўлса-да, бу натижада ўз аксини топмади ва 0:1 ҳисобида мағлубиятга учради.
3-тур якунларига кўра турнир жадвали қуйидагича кўриниш олди.
