Родри: «Ҳакамларнинг бефарқлиги яққол кўриниб турибди»
Родри ҳакамлар Ямалга нисбатан қўлланган айрим қўполликларни эътиборсиз қолдираётганидан норози бўлмоқда. Испаниялик футболчи Францияга қарши ўйиндан сўнг фикр билдиради.
Рақибни зарарсизлантириб, уларга ўз футболимизни ўтказишимиз керак эди. Жамоа ажойиб ўйнади. Айниқса тўпсиз ҳаракатларда. Захирадан майдонга тушган ўйинчилар ҳам ўзларини ақл бовар қилмас даражада кўрсатишди.
Ўз ўйини ҳақида:
Мен жуда мамнунман. Ўйин жуда оғир ўтди. Ҳар биримизнинг кучимиз керак бўлди. Жисмоний жиҳатдан жуда кучли жамоага қарши ўйнадик. Жуда яхлит ўйин бўлди.
Ламин Ямал ва унга нисбатан қўлланган қўполликлар ҳақида:
Биз кетма-кет учта ўйиндан бери шу ҳолатга дуч келяпмиз. Гап ҳакамлар қайд этмаётган 10-15 тадан ортиқ фоллар ҳақида кетмоқда. Агар бунга қарши чора кўрилмаса, ҳимоячилар худди шундай ҳаракат қилишда давом этверишади. Ҳакамларнинг бундай бефарқлиги яққол кўриниб турибди, айниқса бугун. Аммо Ламин барибир ажойиб ўйин ўтказди.
