Расман: Мирзад Механович \"Андижон\"ни тарк этди
У йил бошида клуб сафига келиб қўшилганди
Фото: Андижон
“Андижон” жамоасини яна бир легионер футболчи тарк этди.
Клуб расмий сайти хабарига кўра, "Андижон" сафида мавсум бошидан буён тўп тепиб келган Босния ва Герцеговиналик футболчи Мирзад Механович билан амалдаги шартнома ҳар икки томоннинг ўзаро келишувига кўра бекор қилинди.
Механович "бургутлар" таркибига шу йилнинг январь ойида қўшилган бўлиб, шу вақтга қадар у жамоа либосида Ўзбекистон чемпионатида 7 та, Кубок баҳсларида эса 3 та ўйинда майдонга тушди ва 1 та гол муаллифи бўлди. Шунингдек, 2 бор жамоадошларининг голига муаллифлик қилди.
