Rasman: Mirzad Mexanovich \"Andijon\"ni tark etdi
U yil boshida klub safiga kelib qo‘shilgandi
Photo: FC ANDIJON
“Andijon” jamoasini yana bir legioner futbolchi tark etdi.
Klub rasmiy sayti xabariga ko‘ra, "Andijon" safida mavsum boshidan buyon to‘p tepib kelgan Bosniya va Gersegovinalik futbolchi Mirzad Mexanovich bilan amaldagi shartnoma har ikki tomonning o‘zaro kelishuviga ko‘ra bekor qilindi.
Mexanovich "burgutlar" tarkibiga shu yilning yanvar oyida qo‘shilgan bo‘lib, shu vaqtga qadar u jamoa libosida O‘zbekiston chempionatida 7 ta, Kubok bahslarida esa 3 ta o‘yinda maydonga tushdi va 1 ta gol muallifi bo‘ldi. Shuningdek, 2 bor jamoadoshlarining goliga assistentlik qildi.
