Николай Тишенко «Андижон»да иш бошлади
Фото: Андижон ПФК
Тожикистонда ёзги ўқув-машғулот йиғинини ўтказаётган «Андижон» жамоаси параллел равишда селекция ишларини ҳам олиб бормоқда.
«Бургутлар» мураббийлар штабига украиналик Николай Тишенко қўшилди. У аналитик мутахассис сифатида фаолият олиб боради.
1987 йилнинг 12 декабр санасида таваллуд топган мутахассис 2023 ва 2024 йилги мавсумларда Муборакнинг «Машъал» жамоасида ишлаган.
Умуман олганда, Тишенко бунга қадар «Агродим» (Украина), «Еднист» (Украина), «Рига» (Латвия), «Машъал» (Ўзбекистон) ва «Мурас Юнайтед» (Қирғизистон) клубларида фаолият олиб борган.
Розикжон Султонмуродов
Журналист
