\"Навбаҳор\" футболчиси Беларус терма жамоасига чақирилди
Мазкур йиғин давомида беларусликлар Қозоғистон ва Россияга қарши ўйнайди
Фото: Навбахор ФК
“Навбаҳор” футболчиси Сергей Карпович Беларусь терма жамоаси таркибига чақирилди. Бу ҳақда Наманган клуби матбуот хизмати хабар берди.
Беларусь терма жамоаси июн ойидаги ФИФА кунларидан унумли фойдаланиш мақсадида, 1-10 июн кунлари ўқув-машғулот йиғини ўтказишни режалаштирган. Мазкур йиғин давомида беларусликлар Минск шаҳрида Қозоғистон (5 июн) ва Россия (10 июн) миллий жамоаларига қарши ўртоқлик ўйинлари ўтказади.
Шунга кўра, Беларусь терма жамоасининг ушбу йиғинига “Навбаҳор”нинг 31 ёшли тажрибали ҳимоячиси Сергей Карпович ҳам чақирилди.
Розикжон Султонмуродов
Журналист
