\"Navbahor\" futbolchisi Belarus terma jamoasiga chaqirildi
Mazkur yigʻin davomida belarusliklar Qozogʻiston va Rossiyaga qarshi oʻynaydi
Photo: FCNAVBAHOR
“Navbahor” futbolchisi Sergey Karpovich Belarus terma jamoasi tarkibiga chaqirildi. Bu haqda Namangan klubi matbuot xizmati xabar berdi.
Belarus terma jamoasi iyun oyidagi FIFA kunlaridan unumli foydalanish maqsadida, 1–10-iyun kunlari oʻquv-mashgʻulot yigʻini oʻtkazishni rejalashtirgan. Mazkur yigʻin davomida belarusliklar Minsk shahrida Qozogʻiston (5-iyun) va Rossiya (10-iyun) milliy jamoalariga qarshi oʻrtoqlik oʻyinlari oʻtkazadi.
Shunga koʻra, Belarus terma jamoasining ushbu yigʻiniga “Navbahor”ning 31 yoshli tajribali himoyachisi Sergey Karpovich ham chaqirildi.
Roziqjon Sultonmurodov
Jurnalist
