Мбаппе қачон «Реал» машғулотларига қайтиши маълум бўлди
Мадриднинг «Реал» клуби ҳужумчиси Килиан Мбаппе миллий жамоа сафида олган жароҳати сабабли «қаймоқранглилар» машғулотига биroz кечроқ қайтади. Бу ҳақда El Chiringuito нашрига таянаб Mundo Deportivo хабар бермоқда.
Манбага кўра, футболчи машғулотларга пайшанба куни қўшилади, «Реал»нинг бошқа аъзолари эса сешанба куни машғулотларга киришган.
Шунга қарамай, Мбаппенинг 19 октябрь, якшанба куни бўлиб ўтадиган Ла Лига 9-туридаги «Хетафе»га қарши ўйинда майдонга тушиши кутилмоқда.
Эслатиб ўтамиз, франциялик ҳужумчи ЖЧ-2026 саралаш босқичидан ўрин олган Озарбайжонга (3:0) қарши ўйинда жароҳат олганди.
Маълумот учун, Мбаппе жорий мавсум барча турнирларда 10 та ўйинда майдонга тушиб, 14 та гол урди ва 2 та голли узатмани амалга оширди. Унинг Transfermarkt'даги нархи 180 миллион еврога баҳоланмоқда.
