Ла Лига. «Реал» Мбаппенинг голи эвазига «Хетафе»ни мағлуб этиб, 1-ўринга қайтди
Испания Ла Лигасининг 9-туридан ўрин олган баҳсда Мадриднинг «Реал» клуби сафарда «Хетафе» меҳмони бўлди ва минимал ҳисобда ғалаба қозонди.
Учрашувдаги ягона гол 80-дақиқада Килиан Мбаппе томонидан киритилди. Жамоалар қанчалик ҳаракат қилмасин, учрашувда ҳисоб бошқа ўзгармади.
Шу тариқа, «Реал» ушбу ғалабадан сўнг ўз очколари ҳисобини 24 тага етказиб олиб, биринчи ўринга қайтди. «Хетафе» эса 11 очко билан 12-ўринда бормоқда.
Ла Лига. 9-тур
«Хетафе» — «Реал» 0:1
Гол: Мбаппе (80).
Хетафе — Сория, Фемения (Ньом, 76), Иглесиас, Дуарте, Жене, Арамбари, Милья, Мартин (Камара, 87), Рико, Санкрис, Лисо (да Кошта, 90).
Реал — Куртуа, Вальверде, Каррерас, Алаба (Асенсио, 46), Милитао, Камавинга (Гулер, 65), Беллингем (Гонсало Гарсия, 86), Чуамени, Мастантуоно (Винисиус, 55), Родриго (Диас, 86), Мбаппе.
