Mbappe qachon «Real» mashgʻulotlariga qaytishi maʼlum boʻldi
Madridning «Real» klubi hujumchisi Kilian Mbappe milliy jamoa safida olgan jarohati sababli «qaymoqranglilar» mashgʻulotiga biroz kechroq qaytadi. Bu haqda El Chiringuito nashriga tayanib Mundo Deportivo xabar bermoqda.
Manbaga koʻra, futbolchi mashgʻulotlarga payshanba kuni qoʻshiladi, «Real»ning boshqa aʼzolari esa seshanba kuni mashgʻulotlarga kirishgan.
Shunga qaramay, Mbappening 19 oktyabr, yakshanba kuni boʻlib oʻtadigan La Liga 9-turidagi «Xetafe»ga qarshi o‘yinda maydonga tushishi kutilmoqda.
Eslatib oʻtamiz, fransiyalik hujumchi JCh-2026 saralash bosqichidan oʻrin olgan Ozarbayjonga (3:0) qarshi oʻyinda jarohat olgandi.
Maʼlumot uchun, Mbappe joriy mavsum barcha turnirlarda 10 ta oʻyinda maydonga tushib, 14 ta gol urdi va 2 ta golli uzatmani amalga oshirdi. Uning Transfermarkt'dagi narxi 180 million yevroga baholanmoqda.
