Лука Ускокович «Андижон»ни тарк этди
Фото: Андижон ПФК
«Андижон» жамоасининг легионерларидан бири черногориялик ҳимоячи Лука Ускокович «бургутлар» билан ўзаро келишувга кўра шартнома бекор қилди.
Бу ҳақда андижонликларнинг матбуот хизмати расмий саҳифалари орқали хабар бермоқда.
Футболчи «Андижон» сафига мавсум бошида қўшилган бўлиб, биринчи давра давомида Суперлига ва Ўзбекистон Кубогида ҳаммаси бўлиб, 6 та учрашувда майдонга тушди ва 3 та гол урди.
Водий клуби ёзги трансферлар бозорида бир қатор футболчиларни харид қилиш орқали 2-давра ва халқаро мусобақалар олдидан таркибни кучайтириб олди.
Розикжон Султонмуродов
Журналист
