Luka Uskokovic «Andijon»ni tark etdi
Photo: Andijan PFK
"Andijon" jamoasining legionerlaridan biri, Chernogoriyalik himoyachi Luka Uskokovic "burgutlar" bilan o‘zaro kelishuv asosida shartnomasini bekor qildi.
Bu haqda andijonliklarning matbuot xizmati rasmiy sahifalari orqali xabar bermoqda.
Futbolchi "Andijon" safiga mavsum boshida qo‘shilgan bo‘lib, birinchi davra davomida Superliga va O‘zbekiston Kubogida jami 6 ta uchrashuvda maydonga tushdi hamda 3 ta gol urishga muvaffaq bo‘ldi.
Vodiy klubi yozgi transferlar bozorida bir qator futbolchilarni xarid qilish orqali 2-davra va xalqaro musobaqalar oldidan tarkibni kuchaytirib oldi.
Roziqjon Sultonmurodov
Jurnalist
