Клублар таҳлилчилари учун 2 кунлик семинар ташкил этилди
Лига ва Hudl компанияси ўртасида тузилган шартномага биноан, жорий йилнинг 24-25-март саналарида Суперлига клублари таҳлилчилари учун семинар ташкил этилди.
Унда Hudl вакиллари Суперлига клублари учун тақдим этилган қурилма ва платформалар категорияси, уларнинг афзалликлари ҳамда мазкур имкониятлардан қай тарзда оқилона фойдаланиш бўйича семинар ўтказиб беришди. Сессиялар давомида таҳлилчиларга Hudl Statsbomb, Hudl Statsbomb Live, Hudl Wyscout, Hudl Sportscode, Hudl Studio ва Hudl Replay платформалари, шунингдек, Focus Outdoor камералари уларнинг фаолиятини қандай енгиллаштириши ҳамда улар мураббийлар учун тақдим этиши мумкин бўлган статистикалар хилма-хиллигини қай усулда кенгайтириш мумкинлиги тушунтириб ўтилди.
Лига Hudl билан шартномасига биноан, йил давомида ҳам клублар таҳлилчилари учун қатор вебинар ва семинар дастурларини ташкил этишни режалаштирган.
