"Класико"лардаги энг-энглар. Месси, Роналду ва бошқалар

Футбол 26 апр 2025 да 14:39

Photo: gettyimages

Бир неча дақиқалардан сўнг, Испаниянинг Севилья шаҳрида Испания кубоги финал учрашуви бўлиб ўтади. Унда Мадриднинг “Реал” жамоаси Каталониянинг “Барселона” жамоасига қарши майдонда куч синашади.

Криштиану Роналду “класико”лар тарихида энг кўп кетма-кет ўйинда гол урган футболчи ҳисобланади. Португалиялик футболчи кетма-кет етти ўйинда тўп киритган.

2009 йил 2 май санасида бўлиб ўтган “Реал”-"Барса" қарама-қаршилигида Хави Эрнандес бир учрашувда энг кўп ассист қайд этган футболчи статистикасини қайд этган. Ўшанда каталониялик футболчи тўртта ассист амалга оширган эди.

Ямал буюк тўқнашувлар тарихида ўйнаган энг ёш футболчи ҳисобланади, у 16 ёш, 207 кунлигида майдонга тушган.

Лео Месси “эл-класико” тарихида энг кўп ассист қайд этган, 14 та ва энг кўп гол урган футболчи, 26та.

Карим Бензема “Реал”-"Барса" тарихидаги энг тезкор гол муаллифи ҳисобланади. Франциялик футболчи 2011 йил 10 декабрдаги баҳсда 21 сониядаёқ ҳисобни очган.