Киммих: «Арсенал»га қарши ўйинда бор кучимизни ишга соламиз»
«Бавария» ярим ҳимоячиси Йозуа Киммих УЕФА Чемпионлар лигаси умумий босқичининг 3-туридан ўрин олган Лондоннинг «Арсенал» клубига қарши учрашув олдидан жамоадаги вазият ҳақида фикр билдирди. Мазкур баҳс 21 октябрь чоршанба куни бўлиб ўтади.
«Жамоамизда жароҳат олган бир-икки нафар футболчи бор. Умид қиламанки, уларнинг жароҳатлари жиддий эмас. Майкл Олисе эса қизил карточка туфайли ўйинда иштирок эта олмайди.
Албатта, бу бизнинг вазифамизни бироз қийинлаштиради. Айниқса, бундай юқори даражадаги муҳим ўйинда унинг ўрнини тўлдириш осон бўлмайди. Бироқ жамоамизда юқори савияли футболчилар етарли ва биз бор кучимизни ишга соламиз. Бу учрашувни интиқлик билан кутяпман», — дея Киммихнинг сўзларини келтиради Sky Sports.
Чемпионлар лигаси умумий босқичида икки учрашувдан сўнг 4 очко жамғарган «Бавария» 10-ўринни эгаллаб турибди. «Арсенал» эса 6 очко билан 7-поғонадан жой олган.
