Инсайд: Рубин Хебай \"Насаф\"ни тарк этди
ФОТО: FC Nasaf
Ўзбекистонда ёзги трансфер ойнаси 1 июль куни очилади.
Лекин жамоаларда ўтишлар аллақачон бошланиб кетди.
Sports24.uz сайти маълумотига кўра, Қаршининг "Насаф" клубининг албаниялик ҳужумчиси Рубин Хебай биринчи давра тугамай жамоадан кетди. Хусусан футболчи бугунги "Пахтакор"га қарши баҳс қайдномасидан жой олгани йўқ.
Хебай 2025 йил бошида "аждарлар" сафига келиб қўшилган эди. Футболчи "Насаф" таркибида барча мусобақаларда жами 10 та учрашувда (жами 307 дақиқа) майдонга тушди ва 2 та гол урди.
Катта эҳтимол билан ҳужумчи иккинчи даврани Жиззахнинг "Сўғдиёна" клубида бошлайди.
Фарҳод Файзиев
Эксперт
