Хави Карло Анчеллоттини қўллаб-қувватлади
Каталониянинг “Барселона” клуби собиқ бош мураббийи Хави Эрнандес истеъфога чиқарилиши кутилётган Карло Анчеллоттини қўллаб-қувватлади.
Эслатиб ўтамиз, “Реал Мадрид” Чемпионлар Лигасини тарк этди, аммо Ла Лига чемпионлиги учун курашни давом эттирмоқда.
“Карло Анчеллоттини ҳозир ҳамма танқид қиляпти, бироқ у қилган ишларни кўринг. У 10 йил ичида 30 та чемпионликни қўлга киритди. Лекин ҳеч нарса ютмагандек танқид қилинмоқда. Бу адолатдан эмас”, – дея Хавининг сўзларини келтиради The Athletic нашри.
Маълумот учун, Карло Анчелотти “Реал Мадрид” билан 2 мартдан Ла Лига, Испания Кубоги ва Суперкубоги, 2 марта клублар ўртасидаги Жаҳон чемпионати, 3 мартдан Чемпионлар Лигаси ва УЕФА Суперкубогини қўлга киритган.
Шунингдек, “Қироллик клуби” италиялик мутахассис қўл остида қитъалараро кубокда ҳам зафар қучган.
