Xavi Karlo Anchelottini qo'llab-quvvatladi
Kataloniyaning “Barselona” klubi sobiq bosh murabbiyi Xavi Ernandes iste'foga chiqarilishi kutilayotgan Karlo Anchelottini qo'llab-quvvatladi.
Eslatib o'tamiz, “Real Madrid” Chempionlar Ligasini tark etdi, ammo La Liga chempionligi uchun kurashni davom ettirmoqda.
“Karlo Anchelottini hozir hamma tanqid qilyapti, biroq u qilgan ishlarni ko'ring. U 10 yil ichida 30 ta chempionlikni qo'lga kiritdi. Lekin hech narsa yutmagandek tanqid qilinmoqda. Bu adolatdan emas”, - deya Xavining so'zlarini keltiradi The Athletic nashri.
Ma'lumot uchun, Karlo Anchelotti “Real Madrid” bilan 2 martadan La Liga, Ispaniya Kubogi va Superkubogi, 2 marta klublar o'rtasidagi Jahon chempionati, 3 martadan Chempionlar Ligasi va UEFA Superkubogini qo'lga kiritgan.
Shuningdek, “Qirollik klubi” italiyalik mutaxassis qo'l ostida qit'alararo kubokda ham zafar quchgan.
