Ханс-Дитер Флик “Эл-Класико” олдида “Барселона” ҳолати ҳақида гапирди
Каталониянинг “Барселона” клуби бош мураббийи Ханс-Дитер Флик Испания Ла Лигасининг 35-туридан ўрин олган “Реал Мадрид”га қарши ўйин олдида жамоасининг жисмоний ва руҳий ҳолати ҳақида маълумот берди.
“Биз яхши ҳаракат қиляпмиз. Албатта, “Интер”га қарши мағлубият биз учун осон эмас, лекин ҳаммасини тўғри қабул қиляпмиз.
“Барселона” яқин икки ҳафта ичида нима қилишни режалаштираётгани ҳақида аввал ҳам айтган эдим. Олдинда ҳали тўртта ўйин бор, жумладан, “Эл-Класико” ҳам, уларда биз қанчалик яхши ўйнай олишимизни кўрсатишимиз керак”, — дейди Флик.
Маълумот учун, “Барселона” ва “Реал Мадрид” ўртасидаги баҳс 12-май куни Тошкент вақти билан соат 19:15 да старт олади. Ҳозирда каталонияликлар Ла Лига турнир жадвалида 79 очко билан пешқадамлик қилмоқда. Мадридликлар эса 75 очко билан иккинчи ўринда бормоқда.
