Флорентино Перес \"Реал\" меҳмонхонасига ташриф буюрди
Бир неча соатлардан сўнг, Испаниянинг Севилья шаҳрида Испания кубоги финал учрашуви бўлиб ўтади. Унда Мадриднинг “Реал” жамоаси Каталониянинг “Барселона” жамоасига қарши майдонда куч синашади.
“Қироллик клуби” президенти Флорентино Перес Севилья шаҳрига етиб борди ва у бугун тунда бўлиб ўтадиган “эл-класико”ни стадиондан туриб кузатиб боради. Перес финал бўлиб ўтадиган ҳудудга келар экан, энг аввало “Реал Мадрид” жамоаси жойлашган меҳмонхонага борди ва бош мураббий Карло Анчелотти ҳамда ҳар бир футболчилар билан алоҳида-алоҳида саломлашиб чиқди. Муҳим баҳс олдидан жамоа аъзолари билан суҳбатлашиб олди.
Эслатиб ўтамиз “Реал Мадрид” ҳамда “Барселона” жамоалари ўртасидаги Испания кубогининг финал учрашуви Тошкент вақти билан 27 апрель 01:00 да бошланади.
