Доменик Менди: Айни кунларда Ўзбекистонда об-ҳаво ўзгарганидан хабаримиз бор
“Андижон” - “Ал-Халдия” учрашуви олдидан бугун “Бобур арена”да матбуот анжумани бўлиб ўтди.
Унинг иккинчи қисмида меҳмонларнинг сенегаллик легионери Доменик Менди фикр билдирди.
“Бу ерга келганимиздан жуда ҳам хурсандмиз. Ҳозир мураббийимиз барчасини айтиб ўтди. Менимча, қўшимча қилишга ҳожат йўқ. Эртага ўйинда боримизни бериб яхши натижа учун курашамиз. Мақсадимиз, режамиз битта.
Мураббийимиз эртагалик учрашувга қандай тайёргарлик кўришимизни белгилаб беради. Шу тайёргарликдан келиб чиқиб яхши натижа кўрсатиб кетишимиз керак.
Айни кунларда Ўзбекистонда об-ҳаво ўзгарганидан хабаримиз бор. Мураббийимиз ҳам айтиб ўтган. Бунга руҳий жиҳатдан ва барча шундай нарсаларни эътиборга олиб тайёргарлик кўрганмиз. Баҳрайндаги об-ҳаво билан унчалик катта фарқ қилмайди. 2017-йили Ўзбекистонда ўйнаганман. Ўшанда январ ойида жуда совуқ эди. Ҳозиргиси билан солиштирганда анча яхши», - деди футболчи.
