Боян Цигер «Нефтчи»да қолади
Цигер Суперлигада “Нефтчи” сафида 25 та ўйинда майдонга тушди.
Фото: Нефтчи ПФК
Фарғонанинг “Нефтчи” клуби ўтган мавсумдаги таркиб футболчиларни жамоада сақлаб қолишга ҳаракат қилмоқда.
Тажрибали ҳимоячи Боян Цигер ҳам клуб сафида қолишга қарор қилди.
Sports24.uz хабар беришича, футболчи клуб билан икки йиллик битим имзолаган. Бу футболчи 2025 йилда клуб билан Ўзбекистон чемпионига айланди.
Маълумот учун, Цигер Суперлигада “Нефтчи” сафида 25 та ўйинда майдонга тушди ва 3 та гол урди. Шунингдек, Кубок баҳсида ҳам 3 та учрашувда қатнашди.
Розикжон Султонмуродов
Журналист
