«Андижон» жамоасининг Тожикистондаги йиғин якунига етди
Фото: Андижон ПФК
«Бургутлар» иккинчи даврага тайёргарликни 12 июлдан бошлашди ва 14 санадан ёзги йиғин Тожикистонда давом эттирилди. 26 июль куни жамоанинг мазкур йиғини ўз ниҳоясига етди.
У ерда «Андижон» назорат учрашувларини ҳам ўтказди. Аввалига маҳаллий клублар – «Эсхата» (4:2) ва «Истаравшан» (3:2) мағлубиятга учратилди. Жамоа Тожикистон йиғинини якунлаб, Олмалиқда ОКМКга қарши ёпиқ тарздаги назорат ўйинини ўтказди. Ўйин 35 дақиқадан 4 тайм давомида бўлиб ўтди. Андижонликлар учрашувда йирик 5:1 ҳисобида мағлубиятга учради.
Бургутлар 29 июлдан ўз қароргоҳида тўпланадилар.
«Андижон» иккинчи даврани 3 август куни «Бобур арена»да «Қўқон-1912»га қарши учрашув билан бошлайди. Ушбу ўйин соат 19:00 да бошланади.
Розикжон Султонмуродов
Журналист
