\"Andijon\" jamoasining Tojikistondagi yig‘ini yakuniga yetdi
Photo: Andijan PFK
"Burgutlar" ikkinchi davraga tayyorgarlikni 12 iyuldan boshlashdi va 14 sanadan yozgi yig‘in Tojikistonda davom ettirildi. 26 iyul kuni jamoaning mazkur yig‘ini o‘z nihoyasiga yetdi.
U yerda "Andijon" nazorat uchrashuvlarini ham o‘tkazdi. Avvaliga mahalliy klublar – "Eshxata" (4:2) va "Istaravshan" (3:2) mag‘lubiyatga uchratildi. Jamoa Tojikiston yig‘inini yakunlab, Olmaliqda OKMKga qarshi yopiq tarzdagi nazorat o‘yinini o‘tkazdi. O‘yin 35 daqiqadan 4 taym davomida bo‘lib o‘tdi. Andijonliklar uchrashuvda yirik 5:1 hisobida mag‘lubiyatga uchradi.
Burgutlar 29 iyuldan o‘z qarorgohida to‘planadilar.
"Andijon" ikkinchi davrani 3 avgust kuni "Bobur arena"da "Qo‘qon-1912"ga qarshi uchrashuv bilan boshlaydi. Ushbu o‘yin soat 19:00 da boshlanadi.
Roziqjon Sultonmurodov
Jurnalist
