«Андижон» нигериялик ҳужумчи билан шартнома тузди
Фото: Getty Images
Ёзги трансфер чоғида таркибни кучайтириш борасида селекция ишларини олиб бораётган "Андижон" жамоаси яна бир янги футболчи билан келишувга эришди. Бу хусусида клуб матбуот хизмати хабар бермоқда.
Танишинг: жамоанинг янги ҳужумчиси – Исмаил Акинаде!
Маълумот учун, Акинаде 1994 йилнинг 11 февраль санасида Нигерияда таваллуд топган. У марказий ҳужумчи позициясида тўп суради.
Охирги клуби Малайзиянинг “Теренгану” жамоаси ҳисобланади.
Ҳужумчи фаолияти мобайнида 295 та учрашув майдонга тушиб рақиблар дарвозасига 80 та гол урган ва 47 та голли пасни узатган.
Розикжон Султонмуродов
Журналист
