\"Андижон\" кичик таътилга чиқди
Photo: Andijan PFK
“Андижон” жамоасининг Суперлига 15-туридаги “Бунёдкор”га қарши бўлиб ўтган ўйини биринчи даврадаги сўнгги баҳс бўлди. Шу сабабли жамоа аъзолари кичик таътилга чиқдилар.
Иккинчи даврага тайёргарлик учун режалар ишлаб чиқилган бўлиб, “Бургутлар” 12 июлдан ёзги йиғинга киришишади. Дастлаб футболчилар тиббий кўрикдан ўтадилар. Икки кун мобайнида ўз қароргоҳида шуғулланадиган жамоамиз 14 июлдан 12 кунлик йиғин учун Тожикистонга жўнаб кетади.
Шунингдек, 1 июлдан бошлаб ёзги трансфер ойнаси очилган ва ҳозирда таркибни кучайтириш борасида янги футболчилар билан қизғин музокаралар олиб борилмоқда.
Розикжон Султонмуродов
Журналист
