Ўзбекистонлик таниқли спорт журналисти Фахриддин Рўзиев ўзининг телеграм каналида ўзбек футболидаги келишилган ўйинлар бўйича бир неча постлар чоп этди.
Унда яқинда Фарғонадаги “Истиқлол” стадионида бўлиб ўтган “Водий дербиси” ҳақида сўз борган. Журналист “Нефтчи” – “Навбаҳор” (3:2) ўйини ҳақида қуйидагича фикрларни билдирди.
“Нима деб ўйлайсиз, Фарғона ҳокими билармикан: у бир неча йилдан бери “расход” қилаётган жамоани дербида “чопиш” бўйича федерациядан қатъий кўрсатма бўлганини?”.
Шунингдек, “Андижон” жамоасининг ҳакамлар томонидан “сўйиб” ташланаётгани, келишилган ўйинлар ҳақида аниқ маълумотларга эга эканлигини билдириб ўтган.
Қолаверса, Рўзиев ЎФА раҳбариятини мамлакатимиз президенти Ш.Мирзиёевни алдайотганликда айблаган.
