Ана холос! Мбаппе “Барселона”га қарши Кубок финалини ўтказиб юбориши мумкин
Мадриднинг “Реал” клуби ҳужумчиси Килиан Мбаппе Испания Ла Лигасининг 31-туридан ўрин олган “Алавес”га қарши ўйинда олган қизил карточкаси сабаб “Барселона”га қарши Испания Кубоги финалини ўтказиб юбориши мумкин. Бу ҳақда Marca нашри хабар бермоқда.
Манбага кўра, “Алавес”га қарши баҳсда французлик футболчи Антонио Бланкого ишлатган қўполлиги учун тўғридан-тўғри қизил карточка билан жазоланди.
Қайд этилишича, Мбаппенинг бу қўполлиги кейинги бир ёки учта ўйинга дисквалификация қилишга сабаб бўлиши мумкин.
Ўйинчини дисквалификация қилиш муддати бўйича якуний қарор Ра қобат қўмитаси томонидан қабул қилинади.
Маълумот учун, Мбаппе жорий мавсум “Реал” сафида 47 та ўйинда майдонга тушиб, 32 та гол урди ва 4 та голли узатмани амалга оширди. Унинг Transfermarkt'даги нархи 200 миллион евроға баҳоланмоқда.
