Алонсо: «Ушбу ўйинда қандай ўйнашимиз кераклигини биламиз»
«Реал Мадрид» бош мураббийи Хаби Алонсо Ла Лига 14-тур учрашуви арафасида фикр билдирди. Бугун, 30 ноябрда, мадридликлар «Жирона» билан тўқнаш келади.
«Биз ушбу ўйинда қандай ўйнашимиз кераклигини ва сафарда ғалаба қозониш имкониятимиз борлигини биламиз. Албатта, кетма-кет шунча сафар ўйинлари ўтказиш биоз ноодатий. Биз кетма-кет Чемпионлар Лигаси ва Ла Лига ўйинларини сафарда ўтказдик, лекин пешқадамлигимизни сақлаш учун яна уч очко олишимиз керак. Бу бизнинг мақсадимиз. Жамоа яхши аҳволда, баъзи футболчилар қайтиб келди ва энг яхши формада», — деди Алонсо.
Ҳозирги вақтда «Реал» 13-турдан сўнг Ла Лига турнир жадвалида 32 очко тўплаб, иккинчи ўринда бормоқда. «Жирона» эса 18-ўринда, жамоа ҳисобида 11 очко мавжуд. Турнир жадвалида «Барселона» 14 ўйиндан сўнг 34 очко билан етакчилик қилмоқда.
